Blir dette tidenes dinosaurspel?

The Stomping Land tek turen til Steam Early Access i slutten av månaden.

Eit av fjorårets mest spanande Kickstarter-prosjekt var The Stomping Land. Dette spelet tek lett inspirasjon frå suksessar som DayZ, men i staden for zombier møter du dinosaurar i alle tenkjelege storleikar. Kickstarter-kampanjen gjekk over all forventning, og i løpet av det siste året har utviklarane brukt tida på å få dei viktigaste mekanikkane på plass, samt sørgje for at dinosaurane vil gjere dinosaurelskarar glade.

I ei fersk oppdatering på Kickstarter-sida fortel utviklarane hos SuperCrit at spelet snart er klart for lansering på Steam Early Access. Som med andre Early Access-spel er spelet langt frå ferdig, men det er fyldig nok til at spelarane kan få springe rundt i verda og jakte på dinosaurar. Lanseringa for dei som har støtta spelet via Kickstarter vil bli 23. mai, medan alle andre vil få tilgang 30. mai.

Kampen for tilværet

Puertasaurus blir spelets aller største dinosaur.
Puertasaurus blir spelets aller største dinosaur.

I The Stomping Land tek du på deg rolla som ein jegar. For å overleve må du jakte mindre dinosaurar for å skaffe mat, medan du kan temje fleire dinosaurar for å til dømes bruke dei som ridedyr. Dei fleste dinosaurane kan drepast, men enkelte dinosaurar er så store og mektige at du ikkje har noko å stille opp med.

Dei store dinosaurane vil derimot angripe kvarandre, og ved å følgje spora deira kan du finne slike kampar, og sanke kjøt når den er over. For å finne fram må du ta naturen til hjelp. Du må finne spor på bakken, finne posisjonen din via stjernene, samt lytte etter lydar i det fjerne.

Samarbeid blir ein viktig del av spelet, og jegerane kan slå seg saman i stammar. Dei ulike stammane kan raskt ende opp i kamp mot kvarandre for å sikre seg ressursar. Det er altså ikkje berre dinosaurane som byr på utfordringar i The Stomping Land.

For å feire den nært føreståande Steam Early Access-lanseringa har utviklarane lagt ut ein fersk trailer som viser deg kva du har i vente. Den kan du sjå nedanfor.

The Stomping Land er ikkje det einaste dinosaurspelet under utvikling akkurat no. Ein historiebasert oppfølgjar til fleirspelarspelet Primal Carnage er på veg til PlayStation 4.

 

 

Kommentarer (4)

Forsiden akkurat nå

Til toppen