Den originale motorsaghelten er tilbake

Før Doom var det Chainsaw Warrior som rokka blodspruten.

Mange tenkjer på Doom eller Wolfenstein når dei høyrer ordet «motorsag». Desse for si tid groteske spela var derimot berre blåkopiar av noko mykje verre. I 1987 lanserte minityrspelkongane Games Workshop brettspelet Chainsaw Warrior, der du eine og aleine skulle kome deg gjennom eit hav av zombier og mutantar.

I rolla som Chainsaw Warrior var det di oppgåve å reise til New York for å sage opp krypa som hadde teke over byen, og jage ut den store fienden som var årsak til kaoset. I spelet kjempa du mot tida, og det kunne vere brutalt vanskeleg.

Slik såg Chainsaw Warrior ut i 1987.
Slik såg Chainsaw Warrior ut i 1987.

Ny versjon

I ei pressemelding vi har fått tilsendt i dag fortel Games Workshop at dei har slått seg saman med indiestudioet Auroch Digital for å lage ein ny versjon av spelet, denne gong til mobile einingar, Windows og Mac.

Den nye versjonen av Chainsaw Warrior vil i følgje pressemeldinga halde seg tru mot røtene sine. Det vil bil eit spel du spelar heilt aleine, og det vil bli særs utfordrande. Pressemeldinga går så langt som å hevde at Chainsaw Warrior var den tids Dark Souls.

Om du saknar å få fotsolane dine smekka med ein spansk stokk kan dette altså heilt sikkert vere midt i blinken for deg.

Chainsaw Warrior kjem i sal for Android og iOS mot slutten av sommaren, Windows- og Mac-versjonane kjem seinare.

Les også: Brettspillet Talisman til PC og mobil
Les også: Namco sikrer seg Warhmmer-lisens

Kommentarer (2)

Forsiden akkurat nå

Til toppen