Kojima vil gjenskape Metal Gear Solid

Snusar etter studio som kan lage nyversjon i Fox Engine.

I september i fjor viste Metal Gear Solid-skaparen Hideo Kojima fram Fox Engine for første gong. Grafikkmotoren som vil bli brukt for å byggje opp Metal Gear Solid 5 imponerte stort med sitt mål om å skape fotorealistisk grafikk. Så langt har det berre blitt stadfesta at to spel brukar motoren; Metal Gear Solid 5 og PRO Evolution Soccer 2014, men eit tredje kan vere i gjæring.

Gamereactor skriv om eit fellesintervju dei har gjort med Kojima. Der fortel han at han er på jakt etter ein utviklar som kan ta på seg ansvaret for å lage ein nyversjon av Metal Gear Solid frå 1998 med Fox Engine, samt oppdatere enkelte av mekanikkane for eit moderne publikum.

Metal Gear Solid frå1998.
Metal Gear Solid frå1998.

Viktig fabrikk

Metal Gear-serien er utan tvil den største eigedomen til Konami. Den starta sine dagar på MSX2 i 1987, men fekk for alvor fotfeste med Metal Gear Solid til Sonys første PlayStation-konsoll. Spelet blei for mange den første introduksjonen for den ikoniske spelfiguren Solid Snake. Supersoldaten med den grove stemma blei midtpunktet i eit spel som skulle få enormt mykje å seie for snikesjangeren.

Sidan den tid har vi fått ei lang rekke spel i Metal Gear-universet. Både PlayStation 2, PSP og PlayStation 4 har fått sine kapittel i den alltids forvirrande historia om Solid Snake og hans likemenn. Tidlegare i år dukka Metal Gear Solid 2: Sons of Liberty-helten Raiden opp i det fantastiske Metal Gear Rising: Reveangance.

Metal Gear Solid har på si side allereie fått seg ein nyversjon i form av Silikon Knights Metal Gear Solid: The Twin Snakes til GameCube. No kan det likevel sjå ut til at spelet igjen vil få seg ein finpuss.

Les også: Anmeldelse: Metal Gear Solid HD Collection
Les også: De beste nyversjonene

Kommentarer (8)

Forsiden akkurat nå

Til toppen