Nobuo Uematsu tar farvel med Square Enix

Då ser det ut som om vi ikkje lengre kan forvente oss at musikken i framtidige storsatsingar frå Square Enix er signert Nobuo Uematsu. Han har stått bak klassiske perler frå samtlige Final Fantasy-spel, og har nok fått meir enn ein gamer til å felle ei tåre.

Nobuo Uematsu sin offisielle fanklubb har bekrefta nyheita, og fortel at oktober var hans siste månad hos Square Enix. Frå og med november (les: i dag), byrjar han i eit nytt selskap ved namn "Smile Please". Uematsu sjølv hevdar det blir for ekstremt å kalle dette å slutte, sidan han fortsatt vil vere tilgjengeleg for Square Enix, om dei skulle ynskje det.

Grunnen hans for å forlate Square Enix er at han frå no vil gjere ting i sitt eige tempo. Han har vore opptatt med fleire prosjekt i det siste, inkludert "The Black Mages", eit rockeband som spelar versjonar av Final Fantasy-låter. Han planlegger å fortsette å lage musikk for spel, så alt håp er nok ikkje ute, men det er nok sannsynleg at han ikkje begrensar seg til å jobbe for Square Enix.

Kommentarer (10)

Forsiden akkurat nå

Til toppen