Rayman: Legends har fått dato

Vinteren blir avslutta med mykje lys og ein del varme.

Det er kanskje rart å tenkje på, men det er ikkje lenge til Rayman fyller heile tjue år. Den noko beinlause plattformhelten har dukka opp med jamne mellomrom heilt sidan debuten i 1995, og i fjor fekk han eit solid comeback i det heilt fabelaktige Rayman Origins.

I dette spelet fekk vi ikkje berre møte Rayman, men samtidig mange av venene hans i ei verd full av kreativ nivådesign, svimlande vakker 2D-grafikk og eitt av dei beste lydspora underteikna nokon gong har høyrt i eit plattformspel.

Rayman Origins dukka opp på det meste av plattformer, og difor er det kanskje litt rart at Rayman Legends er Wii U-eksklusivt. Sjølv om Rayman Origins selde nok til å rettferdiggjere ein oppfølgjar, var det ikkje ein så stor kassasuksess at å lage oppfølgjaren eksklusivt for ei heilt ny plattform er utan risiko.

Skjermbilete frå Rayman Legends
Skjermbilete frå Rayman Legends

Det mest unike med Rayman Legends blir korleis ein av maksimalt fem spelarar kan ta i bruk Wiipaden for å interaktere med nivåa. Dette kan vere å ved å til dømes kutte rep og dytte ting for å hjelpe medspelarane.

Etter planen skulle eigentleg Rayman Legends ut i butikkhyllene i løpet av året, men blei i oktober utsett på ubestemt tid. Den nye og fastlåste datoen for når du igjen kan ta turen til Rayman si absurde verd er 28. februar.

Les også: Anmeldelse: Rayman 3D
Les også: Rayman har skyld i at Beyond Good & Evil 2 tar tid

Kommentarer (4)

Forsiden akkurat nå

Til toppen