Warcraft-filmen er ferdig innspelt

No gjenstår berre to korte år med etterarbeid.

Ein Warcraft-film har vore på veg lenge. Allereie så tidleg som i 2006 blei det kjent at Legendary Pictures fekk ansvaret for å bringe sagaen om orkar og menneske i vill krig til den store skjermen. Framgangen på filmprosjektet har derimot vore svært lang, og lekkasjane frå produksjonen har vore få.

Opphaveleg skulle Evil Dead- og Spider-Man-regissør Sam Raimi stå for regien, men han hoppa etter kvart av skuta, før Duncan Jones tok over. Ved sidan av å vere sonen til David Bowie, har Duncan Jones skapt seg ei respektabel karriære ved å regissere filmane Source Code og Moon.

No ligg den første, store etappen i å få Warcraft til kinosalane bak filmteamet, etter at Duncan Jones tvitra at filminnspelinga er ferdig. Med det er ei av dei mest inkognito filminnspelingane i nyare tid er over. Som regel dukkar det opp fleire bilete frå innspelinga av storfilmar, men for Warcraft-filmen har vi berre fått eitt einsleg bilete.

Blir opphavshistorie

hr_Warcraft_4.
Konseptkunst frå Warcraft-filmen. (Foto: Blizzard Entertainment)

Filmen vil spole tida tilbake, og vil handtere korleis den store konflikta mellom orkane og menneska oppstod. For å reflektere Warcraft-universet på best mogleg måte vil filmen vie god tid til begge sidene av konflikta, for å vise at heltar kan oppstå på begge sider.

På rollelista finn vi fleire spanande namn. Vi finn blant anna Ben Foster, Paula Patton, Highlander-veteran Clancy Brown, og Travis Fimmel. Sistnemnde er for tida best kjend for si rolle som den barske og tidvis promiskuøse vikinghelten Ragnar Lodbrok i TV-serien Vikings.

Sjølv om filminnspelinga no er ferdig er det framleis lenge igjen før filmen dukkar opp på kino. Premiera er sett til mars 2016.

Kommentarer (28)

Forsiden akkurat nå

Til toppen