Enda eit Turtles-spel er på veg

Det grøne firkløveret sparkar frå seg til hausten.

Mykje tyder på at Activsion har funne ut at 2013 er skjelpaddene sitt år. Tidlegare i år kunngjorde dei actionspelet Teenage Mutant Ninja Turtles: Out of the Shadows, eit spel som sjølv om det er basert på Nickelodeon sin fargerike TV-serie, vågar på seg ein meir realistisk stil der skjelpaddene blir framstilt som barske kampkjemper. Det spelet blir tilgjengeleg digitalt i august.

Out of the Shadows er derimot ikkje det einaste Turtles-spelet som dukkar opp i år. I ei pressemelding har Acitvision kunngjort Teenage Mutant Ninja Turtles, enda eit spel basert på Nickelodeon-serien, men denne gong med ein visuell stil som held seg til røtene sine.

Leonardo er klar.

Slåssing av gammal sort

Teenage Mutant Ninja Turtles blir eit sideskrollande actionspel der opp til fire spelarar kan samarbeide om å banke fiendane. I tillegg til å by på samarbeid der nye spelarar kan hoppe inn og ut som dei vil, lovar pressemeldinga at vi vil kunne oppgradere skjelpaddene, samt bryne oss på mange ulike modusar.

Historia i spelet vil ta plass mellom første og andre sesong av Nickelodeon-serien, og vil fungere som eit bindeledd mellom dei to sesongane.

I motsetning til Out of the Shadows vil Teenage Mutant Ninja Turtles bli tilgjengeleg i butikk.

Teenage Mutant Ninja Turtles kjem i sal i løpet av hausten til 3DS, Wii og Xbox 360.

Les også: Anmeldelse: Teenge Mutant Ninja Turtles: Smash Up

Siste fra forsiden