Intervju

– Alan Wake er heilt unikt

Historiefokusert action

Vi møtte Remedy for å snakke om action-thrilleren Alan Wake.

1: Side 1
2: Side 2

– Eg er framleis litt i mørkret over kva du eigentleg gjer i dette spelet.

– Det er eit spel i tredje person. Vi har skyting, action, leiting etter spor, køyring, biljakter. Det er mykje forskjellig her. Det er episodisk innhald. Vi likar å snakke om episodar, i staden for nivå. Kvar episode har forskjellig innhald.

– Så kor lang blir ein episode?

– Det kan eg diverre ikkje snakke om enno, men eg kan fortelje deg at kvar episode blir unik, og har forskjellig innhald. Grunnmekanikkane er alltid like, og kontrollane er like, men stemninga og settinga kan vere forskjellig frå episode til episode. Du reiser til forskjellige område, til dømes Bright Falls i Washington, og andre stadar. Alan Wake prøvar å finne sidene i manuskriptet sitt.

– Manuskriptet sitt? Korleis mista han sidene?

– Ja .... det er eit mysterium akkurat no.

– Eg forstår at du ikkje kan fortelje når spelet kommer i salg, men kan du fortelje oss når vi får sjå meir av spelet?

– Veldig snart håpar eg, men eg kan ikkje fortelje deg noko presist.

– Har grafikken forandra seg sidan dei første trailarane? Ikkje nødvendigvis teknisk sett, men designmessig, sidan spelet har vore under utvikling over fleire år?

– Frå eit teknisk perspektiv har teknologien vår utvikla seg kontinuerleg gjennom heile prosessen. Om nokon skulle uroe seg for at teknologien er utdatert, bør dei ta det heilt med ro.

– Det er problemet, for veldig mange bryr seg kraftig om dette, i så stor grad at det kan diktere eit kjøp.

– Eg kan ærleg talt seie at når Alan Wake kjem ut, vil det vere eit av dei penaste spele nokon har sett.

Les også
Anmeldelse: Alan Wake

– Kva er viktigast i den visuelle delen? Er det stilen, eller det tekniske?

– Eg vil seie det er den visuelle stilen. Detaljar, sterk fokus på detaljar, det er vakkert.

– Kor viktig er lyd i spelet? Som til dømes lydeffekter, skodespel og musikk?

– Skodespelet vil vere av første klasse. Musikk er òg viktig for oss i å setje den rette tonen for spelet. Vi tek inspirasjon frå korleis det blir gjort på film og i TV-seriar, der musikken er eit viktig verkty i å byggje opp den rette stemninga. Vi vil bruke musikk for å til dømes enten gi spelaren eit hint om at noko kjem til å skje, eller lure spelaren til å tru at noko kjem til å skje.

– Dette er ein thriller, og vi brukar lyd for å gi spelaren ei berg- og dalbane-reise. Vi har ikkje monster, og vi har ikkje zombier som hoppar på deg. Det er ikkje så enkelt. Vi bringer noko psykologisk til spelet, og det er noko nytt. Det er lett å lage eit spel der ei zombie skremmer livet av deg, men for å få dette til psykologisk, må du ha den rette stemninga, og du må ha personar du bryr deg om.

– Spelaren vil bry seg om Alan Wake.

– Korleis vil historia bli fortalt? Vil alt bli fortalt inne i spelet, eller vil de til dømes ta i bruk teknikkar som teikneseriestilen i Max Payne?

– Det kan eg diverre ikkje kommentere akkurat no, men som sagt er historia veldig viktig. Vi har eit sterkt persongalleri med ikkje-spelbare figurar, som enten er hyggelege personar, eller ikkje fullt så hyggelege personar. Dei er alle med på setje deg inn i den rette stemninga. Autentisitet er samtidig veldig viktig, noko skodespelarane vil reflektere. Alan og Alice er frå New York, og vi har autentiske stemmer for dei rollene. For personane i Washington har vi autentiske stemmer for det området.

– Vi konsentrerer oss kraftig om autentisitet, og at det skal kjennest riktig, og ikkje falskt. Vi vil ikkje at spelaren skal erfare noko og tenkje: Det kan ikkje skje. Vi vil ha ei truverdig og realistisk historie.

Med detta var lunsjen over, og eg kunne takka Häkkinen for ein hyggeleg prat. Sidan han i stor grad var forsiktig med å svare på detaljerte spørsmål, har eg luka ut ein del av spørsmåla der svaret var «ingen kommentar».

Det som er tydeleg akkurat no, er at Remedy gjer kva dei kan for å gi oss eit spel som tek atmosfæren slik vi har sett den i spel, til heilt nye høgder.

Vi gler oss.

Alan Wake utvikles kun for PC og Xbox 360, og utgis av Microsoft.

Diskuter artikkelen på forumet

1: Side 1
2: Side 2

Siste fra forsiden