Square viser frem Final Fantasy XII

To karakterportrett og fem små bilder frå det siste Final Fantasy-spelet har funne sin veg på nettet. Det er enorme forventingar til tittelen som offisielt skal visast fram på ein pressekonferanse i Tokyo 19. november.

Det har blitt lova store forandringar i kapittel tolv, og blandt anna skal inspirasjon vere henta frå Final Fantasy Tactics. Kva dei store forandringane går ut på, får vi først vite om ei veke, men i mellomtida kan du mate appetitten din med desse ferske bileta. Personane på karakterportretta er etter det vi har fått høyre den mannlege helten, Vann, og hans kvinnlege motpart, Ashe.

Vi kjem tilbake med meir informasjon så snart vi får den.

Siste fra forsiden