FEATURE: Desse spela gler vi oss til i mai
Feature

Desse spela gler vi oss til i mai

Racing, regnbogar og storslagne eventyr er blant høgdepunkta.

Kom mai du skjøne milde. Igjen har vi kome til slutten på ein månad, og du verda så blodfattig april har vore i år. Svært lite av nemneverdig interesse har skjedd, og den eine verkeleg store lanseringa denne månaden var den sårt etterlengta PC-versjonen av Grand Theft Auto V. Om du skulle lure, kan eg avsløre at den absolutt levde opp til forventningane.

Ved sidan av det har vi ikkje hatt mange spel inne til vurdering i april. Vi kom oss derimot omsider gjennom to rimeleg tidkrevjande spel frå mars månad. Bloodborne viste seg å vere den perla mange håpa på, medan Square Enix bydde på eit solid stykke rollespelmoro i Final Fantasy Type-0.

Når vi no ser framover mot årets siste vårmånad er det nokre skikkelege lekre måltid i vente, og mai ser ut til å kunne by på noko for ein kvar smak.

Wolfenstein: The Old Blood

Plattform: PlayStation 4, Xbox One, Windows
Ute: 5. mai

Det blir solide mengder action i Wolfenstein: The Old Blood.
Det blir solide mengder action i Wolfenstein: The Old Blood. Bilde: Bethesda

Om du forelska deg i Wolfenstein: The New Order frå i fjor, har du meir moro i vente denne våren. Med Wolfenstein: The Old Blood tek svenske Machine Games opp tråden der den slapp sist, og byr på på fleire kampar mot nazistar og anna avskum.

The Old Blood er mest for ei sjølvstendig utvidingspakka å rekne, og vil ta føre seg ting som skjedde i god tid før hendingane i Wolfenstein: The New Order. Utviklarane lovar mange nye utfordringar du kan byrne deg på med eit lass nye våpen. Igjen er det BJ Blazkowicz som har hovudrolla. Året er 1946, tyskarane er i ferd med å vinne krigen, og det er vel ikkje eit stort spørsmål kven som får jobben med å fikse på akkurat det.

Sjå bilete, les artiklar og finn beste pris på Wolfenstein: The New Order

Project CARS

Plattform: PlayStation 4, Xbox One, Windows, Linux
Ute: 8. mai

Project Cars byr på enorme mengder lekre keøyrety.
Project Cars byr på store mengder lekre køyrety. Bilde: Slightly Mad Studios

Project CARS er eit folkefinansiert racingspel med svært høge ambisjonar. Du startar i det små med mindre kjerrer som til dømes Go Kart, før du gradvis stig i gradene og låser opp nye og kraftigare køyrety. Utviklarane lovar ssamtidig den største samlinga med baner eit racingspel har bydd på i nyare tid.

Spelet lovar robuste fleirspelarmogelegheiter der du kan spele mot 32 motstandarar på PC, og 16 på konsoll. Alternativt kan du spele aleine mot 45 motstandarar. Project CARS er i tillegg eit av svært få konsollspel som vil la deg justere den visuelle presentasjonen for å passe deg betre.

Sjå bilete, les artiklar og finn beste pris på Project CARS

Kirby And The Rainbow Paintbrush

Plattform: Wii U
Ute: 8. mai

Fargerike Kirby And The Rainbow Curse.
Fargerike Kirby And The Rainbow Curse. Bilde: Nintendo

Kirby har vore ein av Nintendos mest unike maskotar sidan lanseringa av det første Kirby-spelet frå 1992. I Kirby And The Rainbow Paintbrush byr utviklarane hos HAL Laboratory på atter ein ny og unik visuell stil, etter suksessen med Kirby's Epic Yarn frå 2010. Denne gong har ulltråden blitt byta ut til fordel for modellkitt.

Den rosa ballen Kirby er no låst til ei rullande ballform. For å styre han heilskinna gjennom dei ulike nivåa i spelet, må du teikne regnbogar på skjermen til Wii U-kontrollaren. Ved sidan av desse grunnleggjande kontrollfunksjonane kan du få Kirby til å snurre hardt inn i fiendar, eller få han til å omforme seg til diverse former som gjer han meir i stand til å kome seg gjennom ulike hinder.

Sjå bilete, les artiklar og finn beste pris på Kirby And The Rainbow Paintbrush

The Witcher 3: Wild Hunt

Plattform: PlayStation 4, Xbox One, Windows
Ute: 19. mai

The Witcher 3: Wild Hunt tek oss med på eit langt og mørkt eventyr.
The Witcher 3: Wild Hunt tek oss med på eit langt og mørkt eventyr. Bilde: CD Projekt RED

The Witcher 3: Wild Hunt har vore eit av verdas mest etterlengta rollespel i fleire år. Det tredje spelet i den populære serien byr på ei massiv og opa verd du skal kunne utforske slik det passar deg. Utviklarane lovar eit spel like stort som verda det byr på, og det skal by på over 100 timar med speletid for å få med seg alt. Vi tok ein kikk på The Witcher 3: Wild Hunt tidlegare i år, og vi var svært nøgde med det vi såg:

«Det er ingen tvil om at eg etter dryge tre timar med spelet ynskjer at eg kunne spelt mykje, mykje meir. Oppdraga eg rakk å spele var særs tilfredsstillande, og monsterjaktinga var også veldig underhaldande. Spelet brukar ein del tid på å sette deg inn i det politiske maktspelet som føregår og forventar at spelaren har ei viss interesse for historia.»

Sjå bilete, les artiklar og finn beste pris på The Witcher 3: Wild Hunt

Splatoon

Plattform: Wii U
Ute: 29. mai

Splatoon.
Splatoon. Bilde: Nintendo

Splatoon er noko så uvanleg som eit heilt nytt konsept frå Nintendo. I staden for å sende oss ut på nye eventyr med gamle kjenningar har Nintendo kokt opp eit skytespel i tredjeperson. Sidan dette spelet er frå Nintendo må du likevel rekne med eit skytespel langt utanfor normalen.

I staden for å skyte kuler på motspelarane tek du på deg rolla som blekksprutfolk som skyt blekk på både motspelarane og kartet. Hovudmålet i spelet er å dekke så mykje av bana som mogleg med blekk før tida går ut. Spelarane kan gjere seg om til blekksprutar for å symje raskt gjennom område dekte av blekk. Utviklarane lovar eit svært fargerikt spel krydra med eit solid arsenal våpen skreddarsydde for å spreie blekk over store område.

Sjå bilete, les artiklar og finn beste pris på Splatoon

Smått og godt

Magicka 2 bør bli eit solid samarbeisspel.
Magicka 2 bør bli eit solid samarbeisspel. Bilde: Paradox Interactive

Naturlegvis finnest det meir å godte seg med i mai enn dei spela vi har trekt fram så langt. Mai ser ut til å by på ei solid rekke mindre spel som likevel bør kunne by på mykje moro. Eit døme på dette er Not a Hero, eit spel der du styrer ei kanin med draumar om å bli ordførar. Spelet byr på sideskrollande action med eit fokus på skyting og dekning.

Dekning blir det òg rikeleg av i Nintendos Code Name: S.T.E.A.M.. Dette turbaserte og taktiske spelet sender oss til ei steampunk-verd der vi får ta del i ei rekke kampar som minnar litt om herlege Valkyria Chronicles.

Knights of Pen & Paper 2 skal du spele ein gjeng som spelar eit Dungeons & Dragons-inspirert rollespel. Her blir det garantert solide doser terningkast og metahumor. Eit anna rollespel du kan kose deg med i mai er PlayStation 4-versjonen av Final Fantasy X/X-2 HD Remaster.

Om du vil spele saman med andre finnest det fleire alternativ i mai. Magicka 2 lar deg slå deg saman med tre vener i eit håp om å drepe fiendar i staden for kvarandre, medan PlayStation 4-versjonen av Ultra Street Fighter IV definitivt handlar om å pryle kvarandre.

For hakket meir blod og gørre kan Carmageddon: Reincarnation kanskje vere verdt ein kikk. Litt mindre vågale køyrety kan du bryne deg på som bonde i konsollversjonen av Farming Simulator 15. Skulle du etter alt dette ha lyst på litt lett popmusikk kan godt mogleg Hatsune Miku: Project Mirai DX vere akkurat det du treng.

Dette var alt for mai, sjåast til sommaren.

Likte du artikkelen? Vil du ha mer norsk spilljournalistikk?
Støtt Gamer.no med 39 kroner i måneden slik at vi kan fortsette å lage mer unikt gratisinnhold

Magicka 2 [Playstation 4]

Ultra Street Fighter IV [Playstation 4]

Farming Simulator 15 [Playstation 4]

Farming Simulator 15 [Xbox 360]

Knights of Pen & Paper 2 [iPhone]

Code Name: S.T.E.A.M. [3DS]

Kirby And The Rainbow Paintbrush [Wii U]

Knights of Pen & Paper 2 [Android]

Project Cars [Xbox One]

Project Cars [Linux]

Project Cars [Playstation 4]

Project CARS [PC]

Wolfenstein: The Old Blood [Xbox One]

Wolfenstein: The Old Blood [PC]

The Witcher 3: Wild Hunt [PC]

Knights of Pen & Paper 2 [PC]

The Witcher 3: Wild Hunt [Playstation 4]

Knights of Pen & Paper 2 [iPad]

The Witcher 3: Wild Hunt [Xbox One]

Final Fantasy X/X-2 HD Remaster [Playstation 4]

Splatoon [Wii U]

Farming Simulator 15 [PlayStation 3]

Not a Hero [Playstation 4]

Farming Simulator 15 [Xbox One]

Not a Hero [Playstation Vita]

Carmageddon: Reincarnation [PC]

Not a Hero [PC]

Magicka 2 [PC]

Knights of Pen & Paper 2 [Mac]

Hatsune Miku: Project Mirai DX [3DS]

Wolfenstein: The Old Blood [Playstation 4]

Beste priser

På lager 95,-
På lager 188,-
På lager 349,-
Ikke på lager 547,-

Beste priser

På lager 99,-
På lager 199,-
På lager 199,-
På lager 238,-

Beste priser

Nedlasting 87,-
Forventet lagerdato 269,-
Nedlasting 279,-
Nedlasting 290,-

Beste priser

Nedlasting 26,-
Forventet lagerdato 36,-
Nedlasting 56,-

Beste priser

Ikke på lager 248,-
På lager 349,-
På lager 349,-
Forventet lagerdato 350,-

Beste priser

Forventet lagerdato 279,-
Ikke på lager 349,-
Nedlasting 357,-
På lager 379,-

Beste priser

På lager 243,-
På lager 368,-
På lager 368,-
På lager 375,-

Beste priser

Forventet lagerdato 89,-
Nedlasting 100,-

Kommentarer (28)

Forsiden akkurat nå

Til toppen