Crimson Desert er den store snakkisen i spelverda denne veka, men nokre spelarar har fått ei kjedeleg overrasking.
Spelet støttar nemleg ikkje datamaskinar med Intel Arc-skjermkort. Dersom du prøver å starte spelet med eit slikt skjermkort, får du ei feilmelding om at skjermkortet ikkje er støtta.
Intel bekreftar overfor Wccftech at spelet ikkje startar på slike konfigurasjonar. Produsenten har vore i kontakt med utviklaren om dette mange gongar i løpet av åra, hevdar dei.
Intel viser til utviklar Pearl Abyss for detaljar om kvifor spelet ikkje støttar skjermkorta ved lansering.
– Me er klare til hjelpe Pearl Abyss, skriv Intel til Wccftech.
Utviklaren har foreløpig ikkje kommentert saka. Det står derimot på nettsida deira at spelarar med Intel-skjermkort kan be om å få pengane tilbake.
Nvidia og AMD dominerer marknaden for skjermkort, men Intel har prøvd å etablere seg med Arc-serien i nokre år no.
Foreløpig har dei ikkje hatt all verda med suksess.
Intel har tatt nokre små marknadsandelar i det siste, men dei er enno ein vesleputt i grafikkmarknaden samanlikna med konkurrentane.
