Forenkla Wii-kontroll frå EA

Electronic Arts vil utjamne ferdigheitsnivået mellom gode og dårlege spelarar på Wii.

Om du er ung eller gammal spelar inga rolle. Har du dårleg koordinasjon og presisjon, vil du raskt kunne henge etter i eit utfordrande spel på Wii. Maskina stiller ikkje kun krav til ferdigheitene dine i spelet, men utfordrar deg samtidig på eit fysisk nivå, noko som kan skape eit stort gap mellom spelarar.

Med dette i tankane har Electronic Arts utvikla «EA Family Play». Dette er eit forenkla kontrolloppsett som vil bli ein del av ei rekke komande titlar. I første runde kjem kontrolloppsettet til Madden NFL 08, NBA Live 08, og FIFA 08.

Med Family Play vil du kunne legge all konsentrasjon på å skyte, kaste eller slå ballen. Ein kunstig intelligens vil ta seg av all springing og manøvrering. Om dette ikkje fristar, vil eit avansert oppsett bli tilgjengeleg for dei som ynskjer å gjere alt sjølv. Med Family Play vil du kun bruke Wiimoten, medan du brukar både Wiimoten og Nunchucken i det avanserte oppsettet.

Family Play er tenkt som ein usynleg hjelpar for uerfarne spelarar som ikkje greier å hevde seg i konkurranse med andre spelarar. Om dette vil gi nybyrjarar ein urettferdig fordel gjenstår å sjå.

Wii

Les også

Siste fra forsiden