Kjem det nye konsollar frå Microsoft eller Sony til neste år? 

TV-produsenten TCL meiner Sony og Microsoft vil kome med oppgraderte konsollar innan få år.

Mikkjell Lønning/Gamer.no

Det melder nettstaden PPE.

TCL, ein kinesisk fjernsynsprodusent, la nyleg fram forventningane sine for korleis eventuelle oppgraderte versjonar av PlayStation 5 og Xbox Series S/X kan bli i 2023 eller 2024.

Det gjekk tre år frå Sony lanserte PlayStation 4 til dei kom med ein oppgradert versjon, og fire år mellom Microsoft lanserte Xbox One til Xbox One X kom i sal. Microsoft har tidlegare sagt at dei jobbar med nye konsollar.

Slik sett er det ikkje utenkeleg at det kan kome oppgraderte versjonar av dagens konsollar i løpet av eit år eller to.

8K-speling

TCL spår at PlayStation 5 Pro og ein ny Xbox vil vere basert på det komande AMD Radeon RX 7700 XT-skjermkortet. Det er venta at AMD lanserer den nye serien sin av skjermkort i løpet av 2022.

Fjernsynsprodusenten spår vidare at konsollane vil kunne teikne spel i ei «native» oppløysing på 4K med ein biletefrekvens på mellom 60 og 120, saman med å levere spela i 8K med ein biletefrekvens på 60 eller 120 ved hjelp av oppskaleringsteknikkar.

AMDs flaggskip RX 6900 XT klarar allereie ein del eldre spel i 8K ved hjelp av AMD FidelityFX Super Resolution, så det bør vere fint mogleg om RX 7700 XT yter omtrent på linje med dagens flaggskip.

LES OGSÅ: The Witcher 3 kjem til nye konsollar mot slutten av 2022 »

Hardware

Les også

Siste fra forsiden