Steam undersøker jamleg kva som er dei mest brukte maskinvarekonfigurasjonane blant brukarane sine, og Nvidia RTX 3060 har trona på toppen i lang tid.
Skjermkortet lanserte i 2021, men skal no vere på veg ut av produksjon.
I slutten av juli skal Nvidia ha informert tredjepartsprodusentane sine om at dei berre lagar eitt parti til med RTX 3060. Dette skal bli sendt ut til produsentane i løpet av dei neste månadane, melder Videocardz.
Det finst eit hav av ulike tredjepartsvariantar av RTX 3060, men også to ulike versjonar frå Nvidia. Dei kjem med enten 12 eller 8 GB med videominne.
Oppfølgar RTX 4060 har 8 GB videominne. Me var lite nøgde med oppfølgaren i vår test frå i fjor.
