I mars lanserte AMD sin Ryzen 9 9950X3D og følgde opp suksessen til spelflaggskipet Ryzen 7 9800X3D med såkalla 3D V-Cache.
9950X3D er både lynrask i produktive oppgåver og jamt over den kjappaste prosessoren til spel på marknaden.
Under årets CES i Las Vegas annonserte AMD også Ryzen 7 9850X3D, men den rykta Ryzen 9 9950 X3D2 såg me ikkje noko til.
I etterkant av pressekonferansen har AMD indirekte bekrefta prosessorens eksistens overfor Computerbase.de.
Nettstaden spurde AMD om prosessoren, og fekk til svar at ein må følge med for oppdateringar seinare.
I desember kom det ei lekkasje av testmålingar av Ryzen 9 9950X3D2. Denne har dobbel 3D V-Cache samanlikna med den vanlege 9950X3D – som me nyleg testa for vår testrigg.
HardwareLuxx intervjua AMD om fordelen med dobbel 3D V-Cache for rundt eit år sidan. AMD uttalte då at det neppe ville løfte spelyting vidare, men mykje kan skje på eit år.
