Dei to siste åra har det versert rykte om at Nintendo Switch 2 kjem i løpet av 2024.
No melder fleire nettstadar at lanseringa blir flytta til 2025. Blant andre Eurogamer skriv at dei får dette stadfesta av ulike kjelder i bransjen.
Nintendo har førebels ikkje kommentert rykta.
Den komande konsollen skal visstnok køyre på maskinvare frå Nvidia, og kan få støtte for oppskaleringsteknikken DLSS (Deep Learning Super Sampling).
Dagens konsoll lanserte i 2017, men kom i ein oppgradert versjon med OLED-skjerm i 2021.
LES OGSÅ: Nintendo Switch 2 kan få yting på linje med PlayStation 4 og Xbox One »
