Halloween er ein vaksande tradisjon i Noreg sjølv om grøssarhøgtida enno ikkje har fått heilt det same fotfestet her i landet som i statane. Manglande fotfeste er likevel ingen grunn til at vi ikkje kan nytte godt av diverse skumle tilbod som dukkar opp når alle skrømta kryp fram frå skuggane.
I samband med Halloween-feiringa har Indie Royale lansert ei pakkea med fem meir eller mindre skumle spel. For ei billeg penge kan du få heile sesongen av Sam & Max: The Devil's Playhouse, samt spela Home, Pathologic, McGuffin's Curse, og EvilQuest.
I Sam & Max: The Devil's Playhouse får Max ei lang rekke med overnaturlege krefter som må nyttast til det fulle for at radarparet skal kome seg heilskinna ut av djevelens vesle hus. I Home skal du løyse eit drapsmysterium medan historia endrar seg etter vala du gjer. Pathologic er ein russisk grøssar i førsteperson, medan McGuffin's Curse set deg inn i rolla som Lucas, ein magikar, tjuv og varulv som knuser det meste. Actionrollespelet EvilQuest introduserer oss for Galvis, ein mørk riddar oppslukt av tanken på meir makt.
![](https://i.bo3.no/image/40908/evilquest11.jpg?c=0&h=281&w=500)
Som vanleg med spelpakkar frå Indie Royale varierer prisen etter kva du vel å betale. Minimumsprisen går opp for kvart spel som blir kjøpt, men om du betalar over gjennomsnittsprisen går minimumsprisen ned. Betalar du over åtte dollar får du ein ekstra bonus på kjøpet i form av ein mp3- eller FLAC-versjon av albumet Preschtale frå musikaren C-Jeff.
Halloweenpakka frå Indie Royale er tilgjengeleg i hakket under seks dagar til.
Les også: Anmeldelse: Indie Game: The Movie Les også: Disse indie-spillene bør du prøve