Feature Grøssarspelas historie

Den herlege, mørke kjellaren

Variasjonen i grøssarspel har aldri vore betre. Her er historia om sjangerens utvikling frå 80-talet til i dag.

Me har alle vore der: På toppen av ei trapp, stirande djupt inn i mørkret der nede, kanskje med ein pistol i handa, kanskje berre ei ussel lommelykt. Mysande, lyttande, nølande. Er det noko der nede? Var det ikkje noko som rørte seg i hjørnet der? Og me veit alle at på botnen av den trappa, gjennom den døra, rundt det hjørnet, så ventar det oss skrekkelege, nådelause, unemnelege skapningar: monster, zombiar, spøkelse og det som verre er. Og så går me dit likevel? Nei, ikkje likevel. Me gjer det nettopp fordi. Fordi det er den trappa, den døra, det hjørnet som er poenget.

Amnesia: The Dark Descent.
Amnesia: The Dark Descent blei ein stor hit for svenske Frictional Games.

Indie reddar dagen

Virtuell skremsel har fått eit enormt oppsving gjennom indiebølgja som skyl over spelbransjen for tida. Dei siste ti åra eller så har dei dresskledde mennene som sit på dei største pengesekkane ikkje sett nokon verdi i å investere store summar på grøssarar, og det gjer dei, med visse unnatak, framleis ikkje; til det er sjangeren for smal og for risikabel. Det er ikkje store nok pengar å hente her. Før indieutviklarane plukka opp og byrja leike seg med grøssarsjangeren, var den på veg langt ut i nisjeeksistensen. Så, for tre år sidan, kom den store indiehiten Amnesia: The Dark Descent, og sakte, men sikkert byrja pila å peike oppover igjen.

Les hele artikkelen og få tilgang til mer eksklusivt innhold

Allerede medlem?

Les kommentarene (4)

Forsiden akkurat nå

Til toppen